Tropic Skincare

Ég uppgötvaði Tropic Skincare húðvörurnar þegar ég hafði nýlokið krabbameinsmeðferð og var með vægast sagt hræðilega húð. Ég fékk auðveldlega bólur og sár í andlit, húðin var mjög viðkvæm en jafnframt nokkurn veginn hrjúf viðkomu og grá og líflaus á að líta.

Mér var umhugað um að nota eingöngu hreinar og náttúrulegar vörur á líkamann og alls ekkert sem teldist krabbameinsvaldandi eða -örvandi, s.s. paraben sem er í litlu magni í langflestum snyrtivörum og því samanlegðaráhrifin mikil ef fólk notar sjampó, hárnæringu, sturtusápu, líkamskrem, andlitskrem, sólarvörn, farða og ilmvatn með parabenum - og notar svo hreinsikrem og næturkrem með parabenum líka, þá erum við hreinlega að baða okkur upp úr parabenum allan sólarhringinn, allan ársins hring!

Í stuttu og mjög einfölduðu máli er of mikil notkun parabena talin skaðleg þar sem líkaminn skynjar þau sem estrógen og því ruglast hormónajafnvægið. Þá hafa paraben fundist í brjóstakrabbameinsæxlum sem örvast af estrógeni, og þar sem ég var akkúrat með þannig tegund af krabbameini kemur ekki til greina að ég noti vörur með parabenum nokkurn tíma aftur.

Auk þess innihalda margar snyrtivörur á markaðnum fylliefni og þráavarnaefni, enda er það krafa frá stórum verslunarkeðjum að hillulíftími krema og snyrtivara sé allt upp í 5-7 ár því þannig geta þær keypt risastóran lager á kostnaðarverði og geymt í vöruhúsum í langan tíma, til að geta svo selt vörurnar óvenju ódýrt í verslunum sínum. Hversu góð geta krem verið sem setið hafa á lager í nokkur ár? Og hver vill maka þráavarnaefnum á sig?


Eftir að hafa lesið mér til um allt þetta, og ekki síst fréttir af hversu mjög snyrtivörur geta mengað náttúruna sem og slæm umhverfisáhrif af framleiðslu þeirra, varð ég mikið glöð að uppgötva Tropic Skincare, lítið, breskt fyrirtæki sem starfar fyrst og fremst af hugsjón. 

Þeirra markmið er að þróa húð- og snyrtivörur úr náttúrunni, ekki síst frá hitabeltissvæðinu (tropics), sem VIRKA vel og láta okkur líða vel, án þess að valda langtíma skaða fyrir líkamann eða umhverfið. Þá eru öll kremin þeirra fersk, þau eru aldrei eldri en 2 vikna þegar þau eru send til viðskiptavina, og öll dásamlegu náttúruefnin því enn mjög virk í þeim. Það þýðir hins vegar að kremin eru ekki seld í stórum umbúðum né í hefðbundnum verslunum, eingöngu á netinu. Líftími þeirra er samt um 6-12 mánuðir eftir opnun umbúða, líkt og hefðbundinna snyrtivara. 

Húð mín tók miklum breytingum um leið og ég prófaði Tropic Skincare hreinsilínuna svo smátt og smátt fór ég að prófa fleiri vörur. Ég nýt þess nú að dekra við sjálfa mig með bæði andlits- og líkamslínunni og nota mun minni farða en áður því húðin er svo geislandi og heilbrigð, en sá litli farði sem ég nota er einnig frá Tropic Skincare og vinnur því með húðinni, en ekki á móti henni. 

Ég varð svo brjálæðislega hrifin af vörunum, fyrirtækinu, siðferði þess, hugsjón og samfélagslegri ábyrgð, að ég gerðist "Ambassador", sem þýðir aðallega að ég segi hverjum sem heyra vill frá kostum Tropic Skincare og leyfi fólki að prófa. Að öðru leyti er ég enginn sérfræðingur í snyrtivörum eða förðun, ég einfaldlega fór að gefa vinum og vandamönnum vörur til að prófa og þau sögðu svo fleirum frá og þannig hefur þetta undið upp á sig svo stór hópur fólks á Íslandi er farinn að nota Tropic Skincare að staðaldri.

Vörurnar er hægt að panta á netinu í gegnum mína persónulegu vefverslun hjá Tropic Skincare, sem þýðir að ég fæ 25% umboðslaun af vörunum sem eru keyptar og get fylgst með hvernig vöruafhendingu miðar, veitt ráðleggingar og aðstoðað ef upp koma vandamál o.s.frvs. Einnig tek ég að mér að mæta í heimahús og halda kynningar á vörunum en best er að hafa samband við mig í gegnum Facebook hópinn: Tropic - ferskar og náttúrulegar húðvörur. 

Ef þig langar hins vegar að prófa skaltu ekki hika við að panta, því það er 30 

daga skilafrestur og full endurgreiðsla í boði ef þér líka ekki vörurnar. Ég má hvorki eiga lager af né selja Tropic Skincare vörurnar í gegnum Svigrúm netverslunina en vísa þér á vefverslunina mína í Bretlandi: www.tropicskincare.com/ingibjorg